الله يرحمك يا «نيل»
الله يرحمك يا «نيل»
زمان كان عندنا نيل، وتربة خصبة، دلوقتى وزير الرى بيقول إننا لازم ندور على دول أفريقية عندها «ميه» عشان نزرع عندها المحاصيل التى تحتاج كميات وفيرة من المياه، مثل الأرز والقصب، افرحوا يا ولاد.. أم الدنيا هتعمل حمل خارج الرحم.
فين المية؟
الجفاف فى مصر يبدأ تحديدا من محافظة الجيزة، ولا أحد يستمع لشكاوى المواطنين الدائمة فى أرجاء المحافظة من انقطاع مياه الشرب لساعات طويلة يوميا تصل إلى 15 و20 ساعة، السيد محافظ الجيزة، مشاكل المحافظة كوم، والمياه كوم آخر، ارحموا الناس حتى يرحمونكم.
ضريبة على «الهوا»
كأننا فى عصر المماليك، تريد الحكومة فرض ضريبة 100 جنيه على راديو السيارة سنويا، تحت مسمى ضريبة «راديو»، يعنى إزاى يبقى عندك راديو وما تدفعش عليه ضريبة، إحنا هنهزر؟ ولسه هيبقى فى ضرايب حتى على دخول الحمام، شخلل عشان تعدى.