حنان على تكتب: خليها على الله
افرح بنجاحك وبفشلك
واحلم بالفرح تعيش مبسوط
ولا حاجة حتكسر يوم املك
والجرح مسيره ف يوم حيفوت
وان خاب ظنك ف الكل وخذلك
هونها..وخليها على الله
ليه روحك ساكنة ف اوجاعك
وتروح لحبيب لو يوم باعك
ليه ناسى انه الهك سندك
ان ضاقت بيك يفرجها عليك
والحزن اللى ف روحك حيموت
بايديك بتدور ع الأحزان
عايش ف زمان
وف ماضى اهو كان
قوم شوف ف المستقبل عملك
واعمل لحياتك بعد الموت
خليك ف الشدة من الصابرين
وامسك ف الحلم بحبل متين
متقوليش خوفك يوم قتلك
واصرخ بالحق بعلو الصوت
وان قولت الباطل يوم هلكك