اغلق القائمة

السبت 2024-05-18

القاهره 07:36 م

محمد صلاح العزب

وأنت اللى يشوفك يزعل؟!

بقلم : محمد صلاح العزب الأربعاء، 27 أبريل 2016 10:00 ص

وأنت اللى يشوفك يزعل؟!


الرئيس الروسى فلاديمير بوتين، قال إن الشعب المصرى يسعد دائما برؤية الروس، لكن السلطات تحتاج إلى بذل مزيد من الجهد لضمان أمن المطارات.. منك لله يا بوتين، بتقلب علينا المواجع ليه؟.. هم كده يشوفوا أى حاجة بتعكننا ويعملوها، منهم لله.




كرّم سيد أبو الوفا


السيد المحترم وزير الطيران، سيد أبو الوفا عامل فى مطار سوهاج، مرتبه 500 جنيه، وعنده 4 عيال ومراته حامل، سيد لقى شنطة فى المطار فيها نص مليون جنيه ودهب. ورجعها لصاحبتها ومخدش حتى الـ%10.. لو سمحت ما تديش سيد شهادة تقدير.. واظبطله مرتبه، ع الأقل ادوله الحد الأدنى للأجور.




القتل من أجل «الفاتورة»


محصل كهرباء لفظ أنفاسه الأخيرة، على يد مواطن اعتراضا على قيمة فاتورة الكهرباء فى الدقهلية.. حالة فردية، مثل آلاف الحالات الفردية الأخرى التى نسمع عنها، ولا يهمك يا افندم.. ارفعوا الفواتير كمان وكمان، مش مهم المواطن ولا المحصل، المهم مصر، تحيا مصر.