الظهور المشرف
الظهور المشرف
الفنان ماجد الكدوانى نموذج نادر فى الالتزام الفنى، ولو على حساب الفلوس، وأكل العيش، فهو يرفض تماما الظهور بأى عمل لا يرتاح له، ومؤخرا منظمة اليونيسيف عملت إعلان معه وكل مشاهدة للفيديو هتتاخد بيها تبرعات علشان توصل ميه للبيوت اللى مش لاقيه ميه نضيفة.. الله ينور يا فنان.
الدبلجة ترجع مصرى
الجمهور يطالب برجوع الدبلجة المصرية لأفلام والت ديزنى، عظيم طب ما ترجع، لكن الأمر ليس فى يد الحكومة مثلا حتى نطالبها، لكنه البيزنس والإنتاج والمكسب والخسارة، يا ريت ترجع، بس ساعتها ندعمها ونتفرج عليها مش كلام وخلاص.
حبوا بعض
الصراع الأمريكى الروسى الأزلى تحول فى الفترة الأخيرة إلى صراع كوميدى، يشبه صراع توم وجيرى، الناطق باسم الرئاسة الروسية، قال إن مسؤولين أمريكيين رفيعى المستوى اعتذروا لبوتين، عن «وقاحة شخصيات رسمية أمريكية».. الإخوة الكبار فى العالم، يا تتخانقوا عدل، يا تلعبوا سوا.