رئيس جمهورية التمثيل
رئيس جمهورية التمثيل
رحم الله مستر كارتيه زعيم مشخصاتية العصر الحديث، حين كان الفن فنا، لا يقاس بالملايين ولا بالتنطيط على الزملاء، ولا بشراء اللايكات والمعجبين على السوشيال ميديا، لهذا يجب أن نوجه رسالة واضحة لأحمد زكى فى ذكرى رحيله: كرسى الرئاسة مازال خاليا، ولم يحتله أحد بعدك.
اعمل أفلام بقى
لقطة حضن الفنان أحمد حلمى لزوجته الفنانة منى زكى بعد فوزها بجائزة أحسن ممثلة أشعلت مواقع التواصل الاجتماعى، لهذا أنتهز الفرصة وأقول لحلمى، فينك؟!.. اشتغل واعمل أفلام حلوة وأفلام وحشة وجرب واغلط واقع واقف.. متخليش النجاح اللى وصلت له يكتفك.. اشتغل بقى، وخلينا نتبسط.
راعوا رجالتكم
على فكرة انتو براحتكم، تقولوا قبضنا على اللى قتلوا جوليو ريجينى أو مقبضناش، صفيناهم أو مصفيناهمش، هم الجناة أو مش هم، انتو الداخلية وبراحتكم، لكن المفروض تراعوا شوية الناس اللى بتبررلكم، لأنكم كده بتلخبطوهم، لما كل شوية تقولوا حاجة متعارضة مع اللى قبلها، شكلهم بيبقى وحش قوى.