توفيق ميخائيل يكتب: اللى فى القلب ع اللسان

الخميس، 10 مارس 2016 12:00 م

الكلام بيطلع م القلب ع اللسان تعبير
مهما تزوق أو تمثل أو تحاول تدارى
تقول كيميا تقول علم نفس مش محتاج تفسير
فلان أو فلانه تحس م اللفظ أو نبرة صوت
أد ايه انت فى القلب عنده لك تقدير
عشان اللطف يسود بين الناس
والواحد يسمع من فضلك وشكرا ياأمير
لازم القلوب تبقى صافيه ونقيه
م الحسد والحقد وظلم الغير
مليانه بالمحبه لكل خلق الله
وتحط نفسك مكان غيرك وتحس بالتغيير
عشان كلمة أهلا لما تبقى على لسانك
تقولها بالفم المليان بلا تردد أو تفكير