بالفيديو..مفاجأة.. المصريون "ميعرفوش" شكل رئيس الحكومة
“معرفوش ولا عمرى شوفته هو ده لبنانى.. أنا عمرى مشوفته.. أظن أن ده وزير الخارجية التركى..ده صفوت الشريف..لا لا ده وزير الداخلية أنا عارفه .. ده أكيد رئيس لبنان أنا شوفته .. أه أه عارفة ده الدكتور أحمد شفيق المرشح الرئاسى السابق .. بشوفه فى التليفزيون كتير بس مش عارف شغال إيه بالظبط .. بس عرفته ده مرتضى منصور رئيس الزمالك “، كانت هذه ردود عشرات المواطنين بعد أن قامت فيديو 7 قناة اليوم السابع المصورة، بسؤالهم عن هوية صاحب صورة لـ”المهندس شريف إسماعيل” رئيس وزراء مصر ، بمناطق مختلفة.
واختلفت ردود المواطنين عن بعضها ، حيث قال محمد عادل:”ده مش مصرى ده رئيس تونس أو رئيس لبنان .. أو ممكن يكون مرشح لمجلس النواب”.
أما سيد سعيد، فقال ” أه طبعا أعرفه ده وزير الداخلية شكله مش بيروح منى وأنا عارفه “، وقال سعد سمير ” ده كان مرشح رئاسى سابق أنا عارفه “.
وأضاف ممدوح متولى “شكله مش غريب عليا وشوفته فى التلفزيون كتير بس مش قادر افتكره “.
وتابع طارق ” ده شبة مرتضى منصور وأنا مليش فى السياسة ومعرفش غير بتوع الكورة “.
أما حاتم سيد قال “ده وزير الخارجية التركى عشان عمره ما يكون مصرى وأن بشوفه وعارفه ومش ممكن أنساه”.