نصر الدين محمود سالم يكتب: صباح الخير اضحك يا ضمير
تصحى الصبح
تقوم وتطير
وتخاف لو ساعتك
فيها تأخير
وأنت بتجرى
وتحكى لنفسك
عايزين
نحلم بالتطوير
عملت مدرس
ع التلاميذ
وبتتريس
بالبراويز
تفتح باب الفصل علينا
نمد أيدينا
وتضحك لينا صباح الخير
واتعلمت تدارى
فى جرحك
تيجى الصبح
الضحكة ف شرحك
واتعلمت ازاى تنصحنا
وكل نصيحة
ترجع تشرح تمسح فيها
أصل الشرح الأبيض جير
ترجع تانى تشخبط تانى
تعلم تكسر ف التباشير
عملت حبيب
وعملت كبير
اشرب م البحر
اضحك ياضمير