توفيق ميخائيل يكتب: من كل طيف ولون

الأربعاء، 10 فبراير 2016 08:02 م

افتح زاوية الكاميرا ع الآخر بلاش زووم
الكاميرا دلوقتى بتصور بانوراما
مش كادرات ولقطات ولا تركيز على الموجود من النجوم
بص كويس وانت بتصور دقق فى التفاصيل
حتلاقى مناظر ورا المناظر وجوه كل منظر حكاية كل يوم
وشوش بتضحك ووشوش مداريه كتير
حتشوف عيون لكن اللى فى القلب فى القلب مكتوم
صور واتعلم الصورة فيها ضوء وظلال
فيها الأخضر والأحمر فيها كل لون مرسوم
الصورة ممكن نكون أبيض وأسود أو من كل طيف ولون
لولا اختلاف الألوان فى الصور مفيش معنى يبقى مفهوم