لا أستثنى منكم أحدا
لا أستثنى منكم أحدا
الحكومة عملت اللى عليها وزيادة، ماشى، رفعت الأسعار، وفشلت فى السيطرة على الدولار، وأهملت كالعادة فى الرقابة على الأسواق، تمام، دى الحكومة، الشعب بقى عمل إيه، كله بياكل فى بعضه، احتكار، وتسقيع، وتخزين، وسوق سودا، ومضاعفة أسعار فى خمس وست أضعاف، والواحد مش عارف هيلاقيها منين، الحكومة والشعب ع الغلبان، بس ربنا كبير وموجود.
راح فين زمن الشهامة؟!
حد ضامن يمشى آمن، أو مآمن يمشى فين؟ العثور على جثة شاب فى العشرينيات من عمره مقتولاً أمام مسكنه بمدينة السلام.. ليه؟ علشان كان ماشى تحت بيته، لقى واحد بيعاكس واحدة، دافع عنها، خد رصاصة جابت أجله، الله يرحمه، وما تقولش إيه إدتنا مصر، أديك شايف.