وائل عبد الودود حسين يكتب : أحلى كلام
السبت، 24 ديسمبر 2016 08:00 ص
شايل حمل جبال
والهم عليك تلال
الطريق بيك طال
وفى دروب الأيام رحال
عايش زى الجِمال
فى الصحراء بالأميال
على الحصى وعلى الرمال
زادت عليك الأحمال
وعنوانك الصبر والاحتمال
لا تقطع مع الله حبل الوصال
من قدم الخير ولو مثقال
ووهبه لذى الجلال
يبارك له فى الأعمال
تواضع ولا تمش متعال
وادى الحقوق من غير إهمال
وزى ما قالوا فى الأمثال
وغنوها فى الموال
لا تصاحب الأنذال
ده الذهب معدن الرجال
وميزان الناس بالأعمال
ويلى تكنز فى المال
ولا تراعى للناس أحوال
فيه جشع واستغلال
خليك رحيم وبالاعتدال
ده أحلى كلام اتقال
كن للخير دال
هو الباقى من الأعمال
والدنيا كلها إلى زوال