كان الكلام من فضة.. دلوقتى فين الدهب؟!

جنون أسعار الذهب فاق جنون ارتفاع الدولار، ونحن كمصريين نقدر الذهب أكثر من أى شىء آخر، وإذا كان الحلال أجمل وسننتظر، فذلك فى الغالب لارتباطه بالذهب، ويا دبلة الخطوبة عقبالنا كلنا، وعد من أول 450 جنيها للجرام الـ21، وبعدين 500، و530، و550، و570، و600، و610، و630، كل ده فى أقل من شهرين، والدنيا زى المرجيحة، يوم تحت وفوق، لكن ده بزى نص المرجيحة، فوق بس وربنا يستر.

 

كوميديا الموقف.. مع المصريين

 

 

شعب عجيب بطبعه، أو كما قال الشاعر: مفيش حد صالح، واضحك مع هذا الخبر.. قالك: فتاة تتهم شخصين بالاعتداء عليها جنسيا ببولاق خلال توجهها لشراء مخدرات، ولا تعرف هنا هل تتعاطف مع الفتاة ضد الاغتصاب، أم تهاجمها من أجل المخدرات، لكن تبقى تركيبة الخبر معبرة عن حالة «المورستان» التى أصبحنا نعيش فيه، وطبعا المجانين فى نعيم.