هبة عرفة تكتب: شوف بلدك
شوف بلدك بشكل تانى
شوفها فرحة لو بتعانى
شوفها غنوة تطرب أذانى
شوفها أميرة ساكنة كيانى
لا وقريبة رغم حرمانى
شوف ولادها رافعين رايتها
ضحوا بروحهم لأجل حياتها
شوفها لمة وصحبة جميلة
شوفها شابة وروحها دابة
فى كل قلب ينبض محبة
شوفها عايشة جواك
بدور عليك مش لقياك
تايه وماشى على هواك
محتار وهى فاكراك
هى بلدك هى حتة من ملامحك
هى أصلك هى فصلك
هى لو عشة قصرك
تبعد ترجع تانى
فهماك وكمان فهمانى
وهى الباقية وأنت الفانى
شوف بلدك بشكل تانى