سهام ميلاد تكتب: ليه الغدر والعدوان
ليه الغدر والعدوان على ناس مابتنمش علشان نعيش إحنا فى آمان
ليه الغدر والعدوان على ناس بتحمى أراضينا وتحمينا من أى غادر وأى عدوان
وماتقوليش ماتزعليش لأ زعلانة على كل شاب راح ضحية الغدر والخيانة
ماتقوليش ماتزعليش لأ زعلانة على كل شاب زنبو أيه غير أنه قايم بواجبه بكل أمانة
ماتقوليش ماتزعليش لأ زعلانة على كل شاب ضحى بروحه علشان مصر تعيش وتبقى بيوتها عمرانة
ماتقوليش ماتزعليش لأ زعلانة على كل شاب ضحى بروحه ولسة فى ناس قلوبها وعقولها خربانة
ماتقوليش ماتزعليش لأ زعلانة على كل أم شهيد انكسر قلبها ضاع فرحها وبقوا حزانة
وياريت راحوا فى ميدان الحرب وهو شايل سلاح
دول راحوا على أيدين غادر خاين إرهابى سفاح
يارب من عندك الصبر ولازم ناخد بتارهم علشان نقدر نرتاح
ويارب أحمى جيشنا ومن عندك النصر وأحمى مصر والمصريين وتحيا مصر