سلوى على محمد تكتب: أنا الشهيد
غطينى يا ما بالكفن
ومتزعليش
أصل الشهادة
جايزة حلوة متخفيش
شوفى ياما بسمتى
على وشى حلوة اد ايه
أمانة يا ما متعيطيش
لو حد قالك صوتى
عليه يا ما متصوتيش
الليلة فرحة
والنهاردة أنا العريس
زغردى قيدى الشموع
وكفاية ياما صوت النحيب
هيفيد بإيه شلال دموع
شوفى ابتسماتى
على وشى
مرسومة إزاى وافرحى
أنا ممتش يا حبيبتى
أنا لسه صاحى
بس مكانى مش هنا
مكانى فوق
جنب الصحابة
جنب الحبيب مطرحى
نشفى دموعك
يا غالية كتير عليه
الحكاية خرجت من إديه
بس كل اللى أنا كنت عاوزه
إنى أكون مشروع شهيد
قلبى يالا ف دفاترى
ه تعرفى
وكمان ياريت تشوفى
دمعات عيونى
على مصحفى
غطينى يا ما بالكفن
ومتزعليش
ده أنا وطنى
زيه أبدا مفيش
وأنا لازم امشى
عشان ناس كتير
تقدر تعيش