حجاج فراج يكتب: إيلان كردى
أنا عربى من سوريا
واسمى ع الورق إيلان
وبأحلم لما أصير كبير
يكون عملى أنا قبطان
أجوب الدنيا بسفينتى
وأقابل م البشر ألوان
أشوف المصرى والليبى
وأشوف الأهل فى لبنان
وفى المغرب وفى تونس
وفى البحرين وفى السودان
وفى اليمن السعيد أهلى
وفى الصومال وفى عمان
وخليجنا العربى يندهلى
تعالى زور هنا الخلان
تسرى الفرحة فى قلبى
وألقى سعادة فى الوجدان
أقول يا عمرى يلا أجرى
نفسى أكبر وأكون قبطان
لكن فجأة لقيت بلدى
ملاها صراع سكنها شيطان
ومدرستى بقت أطلال....
وخيم على البلد أحزان....
قال الوالد لازم نرحل....
فى بلدنا ما عادش أمان....
وصار الموت فى كل مكان
وكل الأهل نسيونا.........
وصار شيمتهم النسيان....
ركبنا البحر فى قارب.......
بس ما كنتش القبطان.....
وكل الشط ما يقارب......
ما نلقى لنا شطآن.......
أنا يا بحر حبيتك..........
وكان نفسى أكون قبطان...
ولما يا بحر أنا جيتك......
فى حضنك صرت أنا غرقان