أشرف المتولى محمد يكتب: بلاها لحمة ناكل فول
بلاها لحمة ناكل فول
دا حتى الفول بيبنى عقول..
وكيلو اللحمة راكب طيارة..
ماتحن علينا يا عم الغول..
وبدل الكيلو خُدلك حتة..
واقعد لِف عليها ودور..
وبلاها ياسيدى أكل اللحمة..
وخَلِّى السوق مليان عجول..
وابقى قابلنى يا معلم شغتة..
إن حَد جالك وقالك قوم..
أنا يا إخواتى هقاطع اللحمة..
لحد ما ييجى عليها الدور..
ولا بتلو ولا عجالى..
ونخلى الفتَّة بطبق الفول
وإللى نِفْسه فى حتة ياكلها
يصور سلفى مع الكندوز..
وبلاها يا سيدى كيلو اللحمة..
وقول يارب بكره تهونئ