سيد منير عطية يكتب: تحت التراب دم الشهيد
تحت التراب دم الشهيد
فوق التراب ميت ألف إيد
بتشُق ف الرملة الطريق
للميّه والحلم الجديد
حالفين بعهد الله نبات
على كتف كل الناس رايات
وان حتى من غير الألات
ضوافرنا أقوى من الحديد
رح نحفرك أجمل قناه
والميّه تجرى سلسبيل
طول ما اعتمادنا ع الاله
ح نعدّى فوق المستحيل
د احنا الفراعنة والنسور
وإحنا اللى وسط االضلمة نور
لو كل أرض الخلق بور
على ضفّتك أجمل نخيل
ياسينا يا أرض النعيم
ليكى التاريخ يقف انتباه
فيكى الجبل حضن الكَليم
فيكى القناة زادت قناة
يا جنة الله ف المكان
يا ضحكه فوق خد الزمان
دى الرمله ترنيمة آدان
بتنادى حى على الصلاة