زياد مرزوق يكتب: خليك فاكر مصر جميلة

الثلاثاء، 11 أغسطس 2015 08:18 م

كان يوم سفر طويل ودرجة الحرارة مرتفعة.. دخلت اشرب شوب عصير.. متعلق فى واجهة المحل صورة ستنا مريم والمسيح عليه السلام.. فجأة سمعت صوت إذاعة القرآن الكريم.. سألت الراجل اللى بياخد الفلوس.. صورة العذرا والقرآن الكريم مع بعض!.. إزاى!؟.. بابتسامة رقيقة قالى: أنا مسيحى وصاحب المحل.. ومحمد هو اللى بيصب العصير وبيحب يشغل القرآن الصبح.. قولتله مش بتزعل منه؟.. كان رده: حد يزعل من كلام ربنا ده خير وبركة.. وربنا يديم المحبة.. عصير حلو وناس حلوة وخليك فاكر مصر جميلة.