الشاعرة نور عبدالله تكتب رباعية عن قناة السويس الجديدة
كتبت الشاعرة نور عبدالله رباعية شعرية غنائية عن افتتاح قناة السويس الجديدة أهدتها لليوم السابع تقول كلماتها :
كل واحد إيده حفرت متر واحد فى القناة
ربنا ساترها ومبارك فى البلد بسبب شقاه
وكل واحد روحه خانت بنصحه يجهز قفاه
وحابة أقوله يا بغل هانت.. مصر مقبرة الغزاة
وعبرت الشاعرة التى كتبت من قبل أغنية ( مشربتش من نيلها ) للمطربة شيرين عبدالوهاب عن سعادتها قائلة : أنا سعيدة بأى مشروع قومى أو إنجاز يتم فى بلدى شاكرة جهد كل من ساهم فى المشروع من أول الشعب اللى جرى واشترى أسهمها حتى آخر إيد (اتمدت ) فى القناة.
وأضافت : قناة السويس الأولى اتحفرت بالسخرة والقهر ومع ذلك كانت من أكبر مصادر الدخل القومى أتمنى أن القناة الجديدة اللى اتحفرت برضا ومساهمة وفرحة المصريين وبعد ثورتين قام بيهم الشعب أتمنى نشوف أثر ملموس لعائدها وتكون مصدر خير ورزق للمصريين عشان دا يزود من قيمة المشروعات القومية عند المواطن ويشعر بفائدة مساهمته ويكون ذلك دافعا وحافزا له فى الإيمان بقيمة المشروع القومى والمساهمة فيه.