أحمد الشيخ يكتب: خيانة الرصاص
حتى الرصاص قادر يخون
قتل القلوب المتصبرة بتعد أيام التعب
قتل البصاير والضماير والعيون
انتوا ف الجنة ونعيمها واحنا ف طاحون
الرصاصة الغادرة قادره تقتل مرتين
مرة للى استقبلها ف صدره خاينة
ومرة للى بتحسب أجازاته أمتى؟
طب نقلوا خدمته من فين لـ فين
حتى الرصاص قادر يخون
خانت انتظار بنت مستنيه يوم
مايسلم مخلته وياخد الشهادة
وكل ماتسمع خبر ولا تشوف صور
ينطق قلبها ألفين شهادة
خانت صحابه اللى تمللى
مكالمته تملاهم سعادة
خانت كل حاجه وكل حد
خانت خيانة ممزوجة ببلاده