د. صبرى إسماعيل يكتب : الله أكبر فى القناة

الثلاثاء، 30 يونيو 2015 12:05 ص

كان البطل م الفلاحين-------حامل لواء المؤمنين
كان الزعيم العبقرى---------دانة فى صدر المعتدين
******
والله أكبر فى القناة-----------رددّها جُند الله وراه
رغم اللهيب المشتعل—---عبروا بصدورهم للحياة
******
والفتح أقبل فى الخريف--شقّوا السواتر مع بارليف
رفعوا العلم دقّوا الحصون---والجُندى حطّم أى زيف
*****
والنيل سعيد بالانتصار----والفرح عمّر كل دار
والشمس مالت ع القمر---والليل بيحضن فى النهار
*****
والأهرامات اِتحزّمت -----وبيوت بلدنا اِترسّمت
وجنودنا رجعوا بفرحهم----بالنصر بلدى اتنسّمت
*****
أمّا السادات أعلن قرار------السِلم هوّ الاختيار
وكامب ديفيد رجّعت------سينا وكان الإنتصار
*****
رجّع قنالنا ونِفطنا------وشارم عادت عَندنا
أمّا العريش خوخها فِرح---ونخيلها غنّى ل فرحنا
******
والنِفط رحّب بالسويس--وبورسعيد جالها العريس
وشارم قالت لأختها------طابا نجيتى م الدسيس
******
وع الشاشات وصل الخبر---الإنتصار وصل القمر
جميع بلادى اتحررّت ----------بأمر ربّى المُقتدر
بأمر ربّى المُقتدر