أحمد صفوت يكتب:افتحوا صفحة جديدة
واكتبوا مصر ف أول سطر
دى السكة طويلة بعيدة
محتاجة جهد وعزم وصبر
خلوا قلوبكم كدة على بعض
عمروا وابنوا وأدوا الفرض
ذوقوا بكرة بلون الورد
غنوا تعيشى يا غالية يا مصر
-----
كلنا مهما اختلفنا واحد
مصريين ع الخير نتعاهد
مخلصين والنيل أهو شاهد
ورباط ما بينا ليوم الحشر
-----
حرام ندمر روحنا بروحنا
حرام نهد يا ناس مطارحنا
وكل بيت بتزيد فيه جراحنا
والخير يضيع ويعم الشر