محمد عاطف عبد المنعم يكتب: كفاية خفى
فيه حاجات كتير بنحبها
بس هيا محبتناش
فيه حاجات كتير نقلبلها
تجرى علينا متسبناش
طبعك يا دنيا مفترى
ف عز فرحك تغدرى
ولا حتى عارفه تقدرى
وبتدى للى ما يسواش
...............................
يا دنيا لما تجرحى
بلاش تحفى
بتنسى ليه وتسرحى
كفايه خفى
راضى بجرحك إنما
غدرك يكفى
خلاص قسيت
لما استويت
بقول ياريت
نارى تطفى
.........................
هو أنتى ليه بتشككى
ف اللى شاريكى
وتروحى دايما تمسكى
ف اللى راميكى
خلاص خلاص رميتك
عمرى ما أقول أنا حبيتك
وإن جيت ف يوم وجيتك
أنا جاى ليكى أعاديكى