صافيناز: فندق شهير يلاحقنى لرفضى العمل فى الدعارة والمخدرات
اتهمت الراقصة صافيناز، أحد الفنادق الشهيرة بمحاولة حبسها برفع دعاوى قضائية ضدها كونها رفضت العمل به بسبب مخالفته القانون من بيع المخدرات وتجارة الجنس، على حد قولها.
وقالت: "رفضت العمل فى الفندق علشان المخالفات القانونية اللى بيعملها، أنا هقول اللى شفتو بعينى هو بيبيع ليه المخدرات وخمور وبيبيع ستات ليه، هما عوزين يعملوا كل حاجة علشان يشوفو صافيناز فى السجن أو يطلعونى برة مصر أو اعمل زى ما بيقولوا، صاحب الفندق قال لى أنا الحكومة وهوريكى".
وأضافت الراقصة خلال حوارها مع الإعلامى وائل الإبراشى ببرنامج العاشرة مساءً المذاع على قناة دريم2، أنها لا تحب مخالفة القانون والفندق طالبها بالعمل دون أوراق، مشددة على أنها رفضت ذلك تماماً، وتابعت: "هما بيقولولى إنهم خايفين على علم مصر طيب ليه بيعملوا كل ده، أنا كنت مبسوطة بعد الانتخابات وبحب مصر لكن هما مش بيحبو مصر".