اغلق القائمة

الخميس 2024-05-23

القاهره 02:46 م

ناس وزحمة

هبة عرفة تكتب: وسط الحكاوى


الإثنين، 16 فبراير 2015 06:13 م

فى ناس قلوبها طيبة
وناس دمعتها قريبة
وناس تشتاق للحظات الصبى
وناس أسئلتها اجوبة
وناس تايهة وناس بعيدة
وناس فى شدة وروحهم عنيدة
وناس ضحكتها اكيدها
رغم الهموم عايشة سعيدة
رسمة بداية حياة جديدة
املها يكبر وروحها طايرة
لو حتى كانت على الحديدة
بقشيش سعادة فى قلبها
نفتح يضو بحبها
تخلى الاحبة جنبها
ولقى العشاق دربها
بهلوان وراسم ضحكته
ميهمش ايه سكته
لو مهما الدنيا عاندته
تفضل ابتسامته صحبته
وكرباج الهموم لو هده
يبنى ابتسامة على قده
ويخلى الفرحة فى عصمته
ماهى دى سكته