حنان على تكتب: إنسان سطحى

الأحد، 06 ديسمبر 2015 02:00 م

إنسان سطحى..
جوايا وبيخفى ملامحى ..
ف الشدة يبان دايما خايف
وتشوفه تقول إنسان هايف
ومعندوش غير أنا ومصالحى ..
إنسان سطحى
جوايا وبيخفى ملامحى
بالطيبة والصبر بيتظاهر
إحساسه بالغير أدنى مشاعر
ف الهلس يبان دايما شاطر
ساعة الجد يقول متنحى
إنسان سطحى
جوايا وبيخفى ملامحى
يغلط ويقول أنا موش غلطان
وتشوفه تقول ده يا عينى غلبان
ومعندوش غير أنا وبعدى طوفان
لملامح الخير دايما يمحى