هند أحمد شحاتة تكتب: علم فرنسا ألوانه حلوة

الأربعاء، 18 نوفمبر 2015 06:00 م

بالنسبة لكل الناس اللى مغيرين صورة البروفايل بعلم فرنسا وفجأة كدا بقوا كلهم مولودين فى باريس
...البروفايل
خير يا أستاذ نعم يا أستاذة
اللى ماشفت حد قبل كدا حط صورة القدس ولا سوريا ولا العراق ولا ليبيا ولا اليمن ولا لبنان على الرغم أنه بيموت من العرب يوميا مئات من الابرياء....
وطبعا ماحدش قال إن الناس اللى ماتت دى ليها ذنب فى حاجة ولا هما مش أبرياء، عمرنا ما حنشجع القتل طبعا ولكن كل خلافنا مع سياسات الغرب
إحنا عندنا 50 شهيدا على الاقل يوميا فى سوريا.. العراق.. فلسطين ومابنلاقيش حد بيتكلم عنهم أو على الأقل بيتضامن معاهم وفى الغالب البعض حتى لا يعلم بأمرهم.. ولكن...
فجأة كدا الكل وضع صورة " Pray For Paris " فى بروفايله...
طيب انا عاوزة أفهم بس.. هما الفرنسيين حطو علم مصر فى اى كارثه حصلت عندنا؟!
ايوة بسألك انت وهى يا اساتذة ياللى حاطين علم فرنسا ؟
طيب حطوا علم مصر وتضامنوا مع اللى بيحصل عندنا ولا علم فرنسا ألوانه حلوة؟؟
طيب عرفتوا أن فرنسا منعت العرب من الحصول على تأشيرة دخول.!!!
انا كان نفسى اشوف بس pray for ghaza.. Pray for Iraq.. Pray
for Egypt f.. Pray for Syria..... Pray for Lebanon.. Pray for lebya
أرحمونا يرحمكم الله...