سيد منير عطية يكتب: شريان الحياة
شق القنال واحفر رمال الصبر بإديك
بعزم الرجال يهون كل شىء حواليك
كسر قيود
اهدم سدود
افتح طرق
يطلع نهار
بعرق الرجال تبنى الأمم
اكتب يا مصرى تاريخنا الحديث
ضمد جراح ماضى تعيس
رفات اللى ماتوا أكبر هويس
تحت الرمال لاقينا جنودنا
شهدائنا عايشة
بتحفر معانا شريان حياة
بتصنع بإديها طوق النجاة
شهداء أكتوبر أكبر علامة
ضحوا بحياتهم لأجل الكرامة
اكتب يا مصرى
ضيف للتاريخ تاريخ جديد
حفرنا القنال بروح الشهيد
تشهد شمسك يا بلادى
على رجال بتسطر محال
ترسم واقع فوق الخيال
بتحفر بإديها شريان حياة
زمان حفرنا بالسخرة القناة
مات فيها ألوف عايشة
واليوم بنحفر بإرادة مصرية
تاريخ جمهورية مصر العربية