إسراء عبد الفتاح: أرفض المزايدة على شراء حمدين لشهادة قناة السويس
عبرت الناشطة إسراء عبد الفتاح، عن رفضها المزايدة على شراء حمدين صباحى، مؤسس التيار الشعبى شهادات استثمار قناة السويس، مضيفة: " أرفض المزايدة كذلك على نورهان حفظى زوجة دومة لإرسالها خطابا لرئيس الجمهورية، ازاى مش عارفين نختلف مع بعض ونحترم حق بعض انه يتصرف حسب معتقداته الشخصية، كل واحد حر وأدرى بما يفعله، ما تحكموش على حد انتوا مش عايشين ظروفه".
وأضافت فى تدوينه عبر حسابها بموقع التواصل الاجتماعى "فيسبوك"، قائلة "هو إيه تعريف الحرية عن الأخوة المزايدين على الفاضى والمليان، اختلفوا مع بعض واحترموا بعض، ده حمدين واحد مننا ونورهان واحده مننا، اوعوا تنسوا وخليكوا فاكرين أن احنا فى الآخر ملناش إلا بعض مهما اختلفنا متشمتوش حد فينا وخلينا أيد واحدة مهما اختلافنا فى الرأى فى موقف ولا اتنين ولا عشرة المهم مناكلش فى بعض افتكروا كلامى ده كويس، وانا ادعم حمدين وادعم نورهان ضد اى مزايدات فارغه".