د.صبرى إسماعيل يكتب: المخطط الأمريكى
دخلت أمريكا كابول—وهىّ إيد واحدة
زرعت مابينهم فِتن----والحرب ومناهدة
ربانى حكمتيار-----طالبان مع القاعدة
*******
دخلت أمريكا الصومال--وكان بلد واحد
خطتها فرّق تسد----قلبوا البلد راعد
واتفتت الصومال----ذاك الراعى الواعد
******
دخلت أمريكا السودان---صبح السودان اتنين
والجاى فى دارفور—ابكى وسحّى ياعين
قتل ودمار وفتن-----فين الخلافة فين
*******
دخلت أمريكا العراق----صدام مجمّعها
الشر ليها أساء-----يارب كون معها
الموت صبح أشلاء--لا جيش ولا معنى
******
دخلت كمان ليبيا-ودمّرت جيشها
تركت بحور الدم---ودمّرت عيشها
بين الحبايب صراع---وصهاينة دندشها
*****
والدور على سوريا---جيشها لابد يموت
يلاّ يا أمريكا ---وجهزى التابوت
سوريا تصير سوريات---أزمة ومش هتفوت
*******
إصحوا يا أهل الإيمان--وبلاش نحارب بعض
صهيونى عاش بأمان----والقتل فينا فرض
خافوا من الرحمن---وخافوا يوم العرض