محمد عبدالله طاهر يكتب: زمن الفتة فات

الأحد، 23 نوفمبر 2014 10:03 ص

أنا مش شاعر أنا بس باغزل من الحروف كلمات
كلامى من قلب الشارع مليان جروح وآهات
مين اللى رايح ومين اللى جاى
ومين اللى دموعه نازلة فى سكات
الكل طايح والعمر رايح
وعايشين بالعبيط أزمات
ده غير فضايح اللى نايح واللى سايح
واللى صوره نازلة فى كليبات
واللى جاى لابسلى ماسك وماشيلى بفتوات
فضايحه عبارة عن بدل متبدلة فى شهوات
ونزواته زى الحمم بتاكل فى الستات
غزل حروف الكلام دخلنى فى مدقات
الرحمة يا افوات ده زمن الفتة فات