سامح لطف لله يكتب: برج الحوت
فى برج الحوت مولود
ودايما حظى يقوللى
إنت تعيس منكود
وقليل البخت يا سادة
ف الكرشة يلاقى العضم
ولمَّا الحظ يجيله
بيصيبه بسوء الهضم
والهضم انا عندى ضعيف
محتاج دايما فوار
محتاجنى كمان اتمشى
يعد ما اروٌق واتعشى
ورصيف مكسور متدغدغ
اتكعبل فيه واتمرغ
وتراب الكون يتفرّغ
ع المخ يقوم يمحيه
مَ انا فقرى وحظى عوالم
والهبرة بتيجى لحدّي
من خرم الإبرة تفوت
تدينى بالسحتوت
رغم انى وربى بصلِّي
واستغفر ربى تملّي
شاكر فضله ولا اخلّي
وبعامل الناس مظبوط
ومآمن ولايوم أخوّن
وبراجع ايه يدوّن
ف صحيفتى قبل ما اموت
ياربى الخير فى الدنيا
إن كان مقسوم لى قليل
عوضنى الآخرة بداله
الآخرة أفضل بكتير