هشام فؤاد يكتب: يا أم الشهيد
الخميس، 13 نوفمبر 2014 02:07 ص
قلبى أنا موجوع ومين يواسينى
غير حضنك أنتى يا أم وبوسة فى جبينى
وعدوى ندل جبان من ضهرى بيجينى
يا شهيد تراب وطنى يا عزيز على عينى
لا يا أم ماتبكيش الصبر يا أم الصبر
تاره أكيد راجع دا مات شهيد الغدر
عاهدت أنا ربنا فى رقبتى طول العمر
ياخد بتاره اليوم يا اسكن معاه فى القبر
يا جندى واقف فى الكمين ليك مننا كل احترام
لا عمره خاف م الهجامين ولا قال فى يوم تدونى كام
يا جندى واقف عالحدود ليك مننا تعظيم سلام
عمّر سلاحك بالبارود واسهر عشان احنا ننام