مبروك عليك يا ريس خربت البلد
صباح الخير زميلى المواطن، العنوان والمقال من تعليقات قراء «اليوم السابع» على خطاب الدكتور مرسى العياط الشهير برئيس الجمهورية:
اللهم إن كان على حق فأعنه وإن كان على باطل فعليك به.
اررررررررررررررررررررررررررررررحل منك لله.
ما دام كل الفلول هيتجننوا من الخطاب.. يبقى هو داس على الجرح.
جزيل الشكر لكم على هذا الخطاب مما يسهل مهمتنا فى الحشد ضد سيادتكم، للمطالبة بإسقاطكم.
جائزة أقوى رئيس فى العالم صحيا لمكوثه أكثر من ساعتين وهو يخطب فى أهله وعشيرته ولم يضع فى فمه قطرة ماء.
ربنا يشفيك يا مرسى أكتر من كده.
يا دكتور مرسى، أنت متهم بالتخابر مع دولة أجنبية، وبالهروب من السجن، وحضرتك فى عهدك كل حاااااااااااجة مقطوعة، وفضحت مصر فى كل الدول اللى بتروح تشحت منها، حضرتك وكستنا، منك لله.
الريس محمد مرسى عيبه إنه طيب زيادة عن اللزوم، وإن شاء الله ربنا معه، وحال البلد ينصلح على إيده.
إيه إيه إيه يا عم، احترم عقولنا شوية، ولا أنت شايف أنك بتحكى قصة فى الوسعاية عندكم؟!
أود أن أذكر الرئيس بما قاله بنفسه أثناء ترشحه: «لو خرجت الجموع تطالب برحيلى سأرحل فورا».أنت رجل مسكين، ولست رجل دولة، ممكن تكون عايز تكون كويس بس مش قادر.
مكانك مش هنا وابعد عننا.