طارق ناجح يكتب: يا عينى عليكِ يابلد

الخميس، 20 يونيو 2013 02:29 م

يا عينى عليكِ يا بلد
مِن كُل حُكَّامِكْ
باعوكِى بأرخص تمن
وباعوا أحلامِكْ
باعوكِى وقبضوا التمن
مِن دم سُكانِك
الناس عايشه فى عذاب
وناس تاكل كباب
وناس عايشه فى قصور
وناس عايشه فى سراب
بتحلم بيوم سعادة
قبل ما يواريها التراب
بتحلم بوطن يحضنها
مِش سجن من غير أبواب

يا عينى عليكِ يا بَلدْ
من كُل حكامِكْ
عصابة وراها عصابة
بتسرق فى أيامك
إمتَّه يعرفوا يا بلد
إن حُكامَك يبقوا خُدَّامَك
الله يرحم الزعيم بِجَدْ
اللى أمم القناة
وبنى السَّد
اللى بنى المصانع
ووزَّع الأرض
أهو راح وسبهالكم
فين هى أعمالكم
إيه هى أهدافكم
هَنكبر ونبقى كيان
ولا هنبقى إيران
أرحمونا بقى
مُش هنعيد اللى كان
ارحمونا بقى
من لعنة السلطان