ممدوح حسن الحلو يكتب: مصر باقية هى هى

الخميس، 28 مارس 2013 09:49 ص

اذكرينى فـ كل لحظة عشت فيها بذكرياتك
مانتى عارفة أد أية قلبى غنى يوم ميلادك
اذكرينى ساعة أدان الفجر والنهار فارد خيوطه
والبلابل ع المأذن تغريدها يصحى كل العاشقين
اللى حبك من سمارك واللى جاى من فجر بارك
واللى بيقول فول بليلة واللى بينادى ع الأصيلة
سيمفونية راحة جاية من ميدان السيدة
مشية معايا ع الغورية للقصرين والسكرية
اذكرنى وأنا طالع ع المقطم لجل أشوف مجرى العيون
ولا أسبح يوم فى نيلك أرتوى حب وشجون
يوم ما روحت الأهرامات قلت بلادى
ولما زورت الحسين وقفت أنادى
ع اللى عايش فوق ترابك رافض حب الولاء
واللى راكب سلطة لكن القلب مفيهوش صفاء
ليه طمعهم والمقابر تحت عينهم ف الإمام
واللى فى ترب الغفير من سنين عظماء نيام
فين ملوك الأرض ديه من فرعون للخديوية
كل حاكم راح لحالة ومصر باقية هى هى
مصر باقية هى هى