قال الدكتور مجدى يعقوب صعب جدا أقول أنا بشتغل كام ساعة لأنى بقرأ المجلات العلمية بصحى الساعة 3 أو 4 صباحا اقرا المجلات العلمية وبنام بدرى ممكن الساعة 8 وبنام نوم متقطع مش بنام بانتظام وبحاول امشى كثيرا وأعوم على قد ما اقدر، مشيرا إلى أن هناك مجموعة من الأطباء الشباب وبشترك معاهم فى علاج نفسى، فى مراكز فى إنجلترا والخليج عاوزين ياخدوا أطباء مركز أسوان بمرتب أربع أضعاف وهما عندهم تفانى وعاوزين يقعدوا لكن لازم نخلى بالنا منهم.
وأضاف خلال لقائه ببرنامج كلمة أخيرة مع الإعلامية لميس الحديدى : الشغل بيدينى سعادة وهفضل اشتغل لغاية ما أقع وعمرى ما قولت هعتزل لأن الشغل بيدينى سعادة وممكن اعتزل فى بعض الأماكن عن رئاسة القسم لكن عمرى ما اعتزلت عن إجراء العمليات.
وأكد أن الفرح والسعادة بيطولوا العمر وان الحزن بيتسبب فى الوفاة، الإنسان لما يحزن لازم يقول لنفسه أن دى مش آخر الدنيا، ولازم يحتفل بالحاجات الإيجابية وليس التركيز على الحاجات السلبية، حزنت على زوجتى واستمر الحزن لمدة معينة ولكن بنشعر انها لسه موجودة وأولادى وأحفادى أيضا وبقيت ذكراها احتفال وليس حزن.
وأشار إلى أن المجتمع كله متساوى وأن الاكتشافات الجديدة تطبق على حوالى 15 % من الناس وأن 85 % من الناس لا يحصلون على أى شيء وفى دمى مبدأ المساواة ولابد من الوصول إلى الناس وتقديم الخدمات بشكل مجانى.
