الخميس 2025-02-27

القاهره 10:50 م

رسم أمل محسن

فساتين بسلك المواعين والجرجير.. "أمل" تصمم أزياء ببقايا الطعام والمخلفات

كتبت - نورا طارق
الإثنين، 13 سبتمبر 2021 06:00 م

عشقت عالم الأزياء فكانت تقضى وقتها فراغها بالإطلاع على تصميمات الفساتين المختلفة، وكل ما هو جديد ومختلف فى عالم الموضة، حتى بدأت تصمم فى خيالها تصميمات مختلفة من الفساتين، واستغلت موهبتها الفنية فى رسم التصميمات على الورق وتستخدم بقايا الطعام والفواكه والنقود الورقية فى تجسيد الفساتين، التى نسجتها فى خيالها.
 

تصميم أخر
 
تحدثت أمل محسن الصاوى، البالغة من العمر 30 عاماً، وحاصلة على ليسانس كلية الأداب لغات شرقية قسم لغة عبرية، عن موهبتها الفنية فى رسم الفساتين بالمخلفات، حيث قالت لـ" اليوم السابع":" أنا من زمان بحب الفساتين وبحب أبتكر تصميمات مختلفة ولما اتجوزت حسيت بفراغ خاصة إنى مش بشتغل، فابتديت ارسم تصميمات لفساتين على الورق وانشرها على مواقع التواصل الاجتماعى، وابتديت اتعرف بس بشكل محدود لحد ما بدأت أصمم بمخلفات والحكاية بدأت بالصدفة كنت بعمل فستان وقدامى الشاى فكرت إنى استخدمه فى تجسيد الفستان اللى رسمته".
 
 

رسم أخر لأمل

رسم أمل

صورة أخرى

تابعت:" بحس بمتعه لما بستخدم مواد صعبة فى تجسيد الفستان، واستخدمت أكلات كتير زى السكر والشاى والرز ولسان العصفور ووالخضار والخس والجرجير والنعناع وورق البنجر وغيره وكمان استخدمت مخلفات صلبة زى إزإز مكسور وأطباق مكسورة وسلك مواعين وكان مياه غازية ووأكياس قمامة وشيكولاتة وغيرها كتير".


صورة لفستان أخر

وعن رد فعل الناس على تصميماتها التى تطرحها على جروبات السوشيال ميديا المتخصصة فى مجال الموضة والفن، قالت :" الحمد لله، الناس منبهرة بشغلى، بس برضه مش بحس إن ده أحسن حاجة ممكن أعملها خصوصاً إنى مش دارسة تصميم أزياء".


فستان من الكبريت

فستان من قطع زجاج

تحلم أمل بأن تشاهد تصميماتها من الفساتين فى أتيليه خاص أو على جسد إحدى النساء، ولكن يقف بينها وبين هذا الحلم بعض التحديات التى ذكرتها قائلة:" الصعوبات إنى مش قادرة أنفذ التصميمات لأنى مش بعرف أخيط، عشان كده نفسى أتعلم الخياطة عشان أقدر أنفذ أى تصميم  بشكل إحترافي ويعجب الناس".


فستان

نقود

ورق ذرة