تحدث الرئيس عبد الفتاح السيسي، مع محمد صاحب مصنع بلاستيك في مجمع غرب جرجا الصناعي، قائلا: "يا محمد.. طمني هل المشروع ماشي كويس؟.. ليرد عليه ملك المصنع: "كان نفسي أكون في حضنك"، وتفاعل مع الرئيس السيسي: "أنا بسأل على المشروع ليه يا محمد بقولك كده.. كل فرصة أو مناسبة زي كده يهمنا ان الناس تفهم حاجة.. لما بقولهم أنه المجمع ده على 60 فدان عملنا المجمع ده.. الـ 60 فدان عاملنا بيهم حوالي 180 منشأة صناعية".
وأضاف الرئيس السيسي، خلال كلمته في افتتاح مشروعات قومية جديدة في محافظة سوهاج: "المجمع ده فيه 180 مصنع لو فيهم 20 يبقي 3600 فرصة عمل.. انا بقولك كده النهاردة لما نتكلم على توفير فرص العمل.. ونقدر نعمله 10 و20 مرات.. وفى الأراضي مش الزراعية.. لترك الأراضي الزراعية للأهالي واعمل الصناعة.. الفدان بيشغل فرد ولا اتنين.. والمكان ده يشغل 20 وأكثر من كده".
وواصل الرئيس السيسي متحدثا مع مالك المصنع: "متوسط المرتبات كام؟.. اعلي حاجة وأقل حاجة؟.. ليرد عليه مالك المصنع: "من ألفين حتى 4 آلاف وفق القدرة والخبرة"، ليرد عليه الرئيس السيسي: "كل ما تنجح هتحسن أكثر والألفين جنيه في الصعيد مش زي القاهرة.. وان شاء نعمل قد المجمع 20 مجمع.. شوفت المنطقة المستوية لازم نستفيد منها.. وبقولها لكل محافظ ولينا احنا كمان تتعمل مساكن ومجمعات صناعية.. لعدم استهلاك الأراضي الزراعية.. ومحتاجين كتير اوي اوي لتلبية حاجات الناس في مصر".
وداعب الرئيس السيسي مالك المصنع: "مش عاوز اقولك بتكسب كام؟.. وزير المالية ملوش دعوة بيك خالص.. لازم تطمئن ومش تخاف وبتكسب كام؟؟ .. ومتشكر يا محمد.. متشكر جدا وكل سنة وانت طيب.. وخالي بالك من مصنعك.. اشتغلوا علشان تكسبوا".
تم أضافة تعليقك سوف يظهر بعد المراجعة