مُختصر وفـ حالى ... واجتماعى !
وبزور قرايبى ومفيش داعى
نفتح مواضيع
ونجيب فـ السيرة
وتبقى نميمة فـ أحلام بتضيع
فواخدلى جنب
-----
بروح السيما وأسمع أغانى
وأشارك برأيى بـ كانى ومانى
وكبرت جوايا المعانى
ومبقتش خلاص أهتم
صحيح معدش فى براءة واختشا ودم
ومرتب مصالحى ع المهم والأهم
-----
لكن لخصت الحياة
بعد الشرح والإعادة
والدروس المستفادة
فـ إنى كبرت
وآمنت بـ الحكمة القائلة
بأن تلك الهموم زائلة
فـ عالحزن صِبرت
-----
مش معنى إنى واخد جنب
انى غلط
ولا سكوتى
انى ابلعلك الزلط
وتفسرنى على هواك
وإنى ضدك او معاك
وإننا فـ الدنيا عشان نتقابل
وانى بكره مقابل
فـ لفتها الغلط
----------
ده طبع مغلوب غالب
ليه ضحكة مقالب
وكلام يجرح
روح تحضن تسامح
ضعفها الجارح
فتقوى وتفرح
فى صُحبتها قوة
لو جاية من جوه
فـ تصاحب معاها
وعشان فى حاجات بنرجعها
وبوح الروح بيوجعها
قررت بإرادتى أنساها
